Devis Kubogi. O'zbekistonning I Jahon guruhi pley-off bosqichidagi raqibi malum. Bahs Toshkentda o'tkaziladi

Terma jamoamiz bu safar I Jahon guruhiga o'tish bosqichi (pley-off)da o'ynaydi. Qura natijasiga ko'ra, terma jamoamizga Polsha raqiblik qiladi. Ushbu qarama-qarshilik 2024 yilning 2-3 fevral kunlari Toshkentdagi "Humo Arena" majmuasida o'tkaziladi. Uchrashuvlar xard qoplamali kortda tashkil etiladi.

Eslatib o'tamiz, O'zbekiston terma jamoasi sentyabr oyida I Jahon guruhi doirasida Belgiyaga qarshi mehmonda o'ynab, 1:3 hisobida mag'lub bo'lgan edi. Polsha termasi esa oxirgi o'yinini II Jahon guruhida Barbadosga qarshi o'tkazib, 4:0 hisobida zafar quchgan.

Malumot o'rnida, O'zbekiston terma jamoasi ayni paytda Devis Kubogi reytingida 36-o'rinni egallab turibdi. Polsha esa ushbu reytingda 51-o'rinda qayd etilgan.

Takidlash joiz, O'zbekiston terma jamoasi Toshkentdagi so'nggi o'yinini 2023 yilning fevralida asosiy to'rga saralash raundi doirasida AQSHga qarshi o'tkazib, 0:4 hisobida imkoniyatni boy bergan.