Dmitriy Salita: Ergashev - yangi Golovkin!

Salita birinchi yarim o'rta vazn toifasida o'z janglarini o'tkazib kelayotgan 27 yoshli charm qo'lqop ustamizni yangi Gennadiy Golovkinga qiyosladi. 

“Bir davr yakunlanib, ikkinchi boshlanadi. Men Golovkinning davrini nazarda tutyapman. Aynan Ergashev qozog'istonlik bokschining o'rnini munosib tarzda egallay oladi. Golovkindan keyin yuzaga keladigan bo'shliqni SHohjahon to'ldiradi. 

Ergashev o'z vatanida yulduz darajasidagi bokschi. U mag'lub bo'lishni istamaydi. Instagram sahifasidagi folloverlari, yani o'quvchilari soni 450 mingdan oshdi. Mahalliy xonandalar o'z qo'shiqlarining klipiga uni taklif qilishyapti. Mamlakat prezidenti esa uning g'alabalari haqida gapiryapti. Bu juda katta etirof”, - dedi SHohjahon Ergashevning promouteri Dmitriy Salita. 

Eslatib o'tamiz, bugun bokschimiz AQSHda o'zi singari mag'lubiyat nimaligini bilmay kelayotgan amerikalik Maykl Foksni 10 raundlik jang yakunida ochkolar hisobiga ko'ra taslim etgandi.