Drikus Dyu Plessi va Den Xuker UFC P4P reytingida ko'tarilishdi

Jumladan, UFC 305 turnirida g'alabaga erishgan Drikus Dyu Plessi va Den Xuker vazn toifasidan qatiy nazar P4P reytingida ko'tarilishga erishishdi. Israel Adesanyaga qarshi jangda o'rta vazndagi UFC chempionlik kamarini muvaffaqiyatli himoya qilgan Janubiy Afrika Respublikasi vakili besh pog'onaga yuqorilab, 6-o'rinni band etdi. 

Dyu Plessiga imkoniyatni boy bergan nigeriyalik jangchi P4P reytingida aksincha, 13-pog'onadan 15-o'ringa pastladi. Mateush Gamrotni ochkolar hisobiga ko'ra mag'lubiyatga uchratgan Den Xuker esa 11-pog'onadan 5-o'ringa yuqoriladi. Gamrot esa engil vazn toifasi reytingida 5-o'rindan 8-pog'onaga pastladi. 

UFC rejasiga ko'ra Drikus Dyu Plessining keyingi jangi SHon Striklendga qarshi o'tkazilishi kutilmoqda. Drikus yanvar oyida SHonni mag'lubiyatga uchratgandi. Den Xuker esa keyingi jangini CHarlz Oliveyraga qarshi o'tkazishi mumkin. Braziliyalik aralash yakkakurash ustasi UFC engil vazn toifasi reytingida ikkinchi o'rinni band etgan.