Dubay (WTA). Dunyoning birinchi raketkasida ketma-ket uchinchi mag'lubiyat

Kutilmaganda sayyoramizning birinchi raketkasi Arina Sobolenko uchinchi davra bahsida imkoniyatni boy berib qo'ydi. Belaruslik tennis malikasi reytingning 38-pog'onasida borayotgan daniyalik Klara Tausonga 3/6, 2/6 hisobida yutqazdi. Tauson tennischilarning o'zaro uchrashuvlaridagi hisob muvozanatini ham tiklab qo'ydi - 1:1. 

Sakson uch daqiqa davom etgan bahsda Sobolenko 3, Tauson 7 ta eys zarbasini amalga oshirgan. Arina so'nggi 4 ta uchrashuvining 3 tasida mag'lubiyatga uchradi. Bu uning ketma-ket uchinchi mag'lubiyati bo'ldi. Endi Tauson 1/4 finalda dunyoning 35-raketkasi chexiyalik Linda Noskovaga qarshi kortga chiqadi.