Dunyo polvonlari Termiz gilamlarida bellashadi

Har ikki yilda o'tkaziladigan ushbu nufuzli kurash bayramida mamlakatimizning eng sara polvonlari bilan bir qatorda dunyoning 50 ga yaqin davlatidan 100 nafardan ziyod kurash ustalari ham g'oliblik uchun gilamga tushadi.

Joriy yilgi xalqaro turnirning mukofot jamg'armasi 100 ming AQSH dollarini tashkil etadi. Musobaqa Nizomiga ko'ra, mutlaq vaznda g'olib chiqqan polvon O'zbekiston Respublikasi Prezidenti sovrini – 10 ming AQSH dollari bilan taqdirlanadi.

Xalqaro turnirda kurash bo'yicha Jahon chempionlari, Osiyo o'yinlarining g'oliblari ishtirok etadi. Ular qatoriga o'zbek kurashi muxlislarining sevimli sportchilaridan biri sifatida etirof etiladigan braziliyalik Aleksandr Kacuragi Braziliya terma jamoasi bosh murabbiyi sifatida shogirdlarini Termiz gilamlariga olib tushadi.

Musobaqa tashkiliy qo'mitasi bergan malumotlarga ko'ra, Termiz shahrida xalqaro turnirni yuqori darajada o'tkazish uchun katta tayyorgarlik ishlari olib borilmoqda.