19 okt 10:54
Yangiliklar

Tennis

Dunyoning yosh raketka ustalari Toshkent kortlarida bellashmoqda + FOTOGALEREYA

Teglar : Tennis ITF

Xalqaro tennis federaciyasi(ITF) tasnifidagi 18 yoshga to'lmagan yosh raketka ustalari ishtirokidagi xalqaro turnirlarning eng yuqori divizionida 5 ta toifadan iborat musobaqalar mavjud bo'lib, ushbu bahslarning biri ayni kunlarda poytaxtimiz Toshkentda o'tkazilmoqda.

Bundan ikki kun muqaddam Olimpiya zaxiralari respublika tennis maktabi kortlarida boshlangan xalqaro turnir yakkalik va juftlik toifasida o'g'il-qizlar o'rtasida tashkil etilmoqda.

Xalqaro musobaqa ikki bosqichda — saralash va asosiy setkadan iborat bo'lib, saralash o'yinlarida o'g'il-qizlar o'rtasida 32 nafar sportchi ishtirok etdi.

Turnirning asosiy setkasida 32 nafar o'g'il bola va shuncha tennischi qiz 16 ta juftlikda g'oliblik uchun harakat qilmoqda.

Etiborlisi, Toshkent kortlarida sovrinli o'rinlar uchun kurash olib borayotgan Qozog'iston, Qirg'iziston, Rossiya, SHveycariya, Polsha, Italiya, AQSH, Belgiya, Litva, Turkiya, Niderlandiya, Germaniya, Livan, Ukraina, Franciya va CHexiya vakillari qatorida o'zbekistonlik iqtidorli yosh raketka ustalari Ilya Ignatov, Artur Ibragimov, Amir Milushev, SHahnoza Maraimova, Anna Xaykis va Sabrina Olimjonova turnirning asosiy setkasida ITF tasnifidagi bahslarda harakat qilmoqda.

Bugun kun davomida asosiy setkadagi dastlabki musobaqalar bo'lib o'tadi.

Musobaqalar 22 oktyabrga qadar davom etadi.