Dzyudo. Ro'ziev va Nurillaev davom etmoqda, SHahram esa...

Bugungi bellashuvlarda uch nafar hamyurtimiz ishtirok etishi haqida avvalroq xabar bergandik. 

-60 kg vazn toifasida yurtimiz sharafini himoya qilgan Doston Ro'ziev bahslarga ikkinchi bosqichdan qo'shildi. U ilk davrada Isroil vakili Daniel Ben Davidni mag'lubiyatga uchratdi. Endi Doston chorak final yo'llanmasi uchun mo'g'ulistonlik Boldbaatar Ganbatga qarshi tatamiga chiqadi. Mazkur vazn toifasidagi yana bir polvonimiz Kemran Nurillaev esa dastlab Xitoy Taypeyi vakili Kun Lin Yexni, keyin esa turkiyalik Bekir Ozluni mag'lub etdi. Endi u chorak final chiptasi uchun bolgariyalik Yanislav Gerchevga qarshi kurashadi.

-66 kg vaznli polvonimiz SHahram Ahadov musobaqaga ikkinchi davradan qo'shilgandi. U turnirdagi ilk jangida slovakiyalik Matej Poliakka qarshi jang qildi va imkoniyatni boy berib qo'ydi.