Dzyudo va bokschilarimiz qo'shma mashg'ulot o'tkazishdi FOTOGALEREYA

Xabaringiz bor, 23 oktyabr kuni Vengriya poytaxti Budapesht shahrida karantin keyingi uzoq kutilgan xalqaro dzyudo restarti bo'lib o'tadi. Budapesht "Katta Dubulg'a" turnirida O'zbekiston terma jamoasining 10 nafar azosi ham ishtirok etadi. Muhim musobaqa oldidan dzyudochilarimiz o'ziga xos mashg'ulot o'tkazishdi. 

Ochig'i, bunday mashg'ulotga avval guvoh bo'lmagan edik. Har ikki federaciya rahbarlarining tashabbusi bilan tashkil etilgan qo'shma mashg'ulotni O'zbekiston Milliy olimpiya qo'mitasi prezidenti Rustam SHoabdurahmonov ham bevosita sport zalida kuzatib bordi va ancha iliq fikrlarni bildirdi. 

Albatta, dzyudochilar tomonidan aytadigan bo'lsak, bu mashg'ulotning sportchilarimiz uchun foydasi katta bo'ldi. Terma jamoada anchadan beri boks bo'yicha tajribali murabbiy, O'zbekiston Respublikasida xizmat ko'rsat sport ustozi Abduvali SHomirzaev faoliyat yuritmoqda. Bu bejiz emas, albatta. Boksdagi raqibga chap berish, tezkorlik, chidamlilik kabi xislatlarni dzyudochilarimiz murabbiy yordamida o'zlashtirib olishdi. Bugungi qo'shma mashg'ulot esa bir necha oy davomida orttirilgan tajribalarini yanada boyitishga xizmat qildi.          

O'ylaymizki, bu mashg'ulotlarning samarasi Budapesht tatamilarida ko'rinadi. Dzyudochilarimiz Vengriyadan medallar shodasi bilan qaytishadi.