Eliminator maqomidagi Bektemir Meliqo'ziev - Devid Stivens jangi to'liq davom etdi

Hozirgina oqshomning co main-event jangi yakunlandi. Unda ikkinchi o'rta vazn toifasidagi professional bokschimiz Bektemir Meliqo'ziev (15-1, 10 KO) amerikalik Devid Stivens (14-2, 10 KO)ga qarshi chempionlik kamari uchun saralash jangini o'tkazdi. 

O'n ikki raund to'liq davom etgan murosasiz jangda Meliqo'ziev hakamlarning ayri qarori bilan ochkolar (118-110, 117-111, 112-116)  hisobiga ko'ra g'alaba qozondi. Hakamlardan ikki nafari hamyurtimizga, yana biri amerikalik bokschiga g'alabani taqdim etgan. 

SHu tariqa, Bektemir Meliqo'ziev ikkinchi o'rta vazn toifasida WBA chempionlik kamari uchun rasmiy va majburiy davogarga aylandi. 

Jangdan oldin har ikkala bokschi ham bir xil ko'rsatkichga ega edi. Yani, 14 tadan g'alaba va 1 ta mag'lubiyat. Bugun Bektemir faoliyatidagi 15-g'alabasini qo'lga kiritdi. Stivens esa aksincha ikkinchi mag'lubiyatini qabul qilib oldi. Meliqo'zievning burchagida aka-uka Diaslar bilan birga yana bir bokschimiz Botir Ahmedovni ham ko'rish mumkin edi.