Eng yaxshi kurashchi "Nexia-3" bilan taqdirlandi + FOTO

Termiz shahrida O'zbekiston Respublikasi Konstituciyasi qabul qilinganligining 27 yilligi hamda qishloq xo'jaligi xodimlari kuniga bag'ishlab Surxondaryo viloyati hokimi sovrini uchun milliy kurash bo'yicha erkaklar o'rtasida viloyat ochiq turniri bo'lib o'tdi.

Musobaqaning tantanali ochilish marosimidadan so'ng ananaga ko'ra, bellashuvlarni keksa va jajji polvonlar boshlab berdi. SHundan so'ng, yurtimizning turli viloyatlaridan, viloyatimiz shaxar, tumanlardan va Termiz davlat universitetidan bittadan jamoa bo'lib kelgan 100 nafarga yaqin nomdor kurashchilar 66, 73, 81, +90 kg. vazn toifasida o'zaro bellashdilar.

 66 KG. VAZN TOIFASIDA

1-o'rin – Muhriddin Tilovov (Andijon);

2-o'rin – Bahodir Boboev (Surxondaryo);

3-o'rin – Abror Jabborov (Surxondaryo);

3-o'rin – Qobul Ahmedov (Xorazm)

 81 KG. VAZN TOIFASIDA

1-o'rin – Arslon Tojiev (Qashqadaryo);

2-o'rin – O'rol Sodiqov (Surxondaryo);

3-o'rin – Bozor Abdurahimov (Surxondaryo);

3-o'rin – Umar Bozorov (Surxondaryo)

 +90 KG. VAZN TOIFASIDA

1-o'rin – Samijon Ubaydullaev (Surxondaryo);

2-o'rin – Ziyodullo Nodirov (Surxondaryo);

3-o'rin – Muhsin Hisomiddinov (Surxondaryo);

3-o'rin – Abdulla Tangriev (Surxondaryo)

66 hamda 81 kg. vazn toifalarida g'oliblikni qo'lga kiritgan kurashchilar 10, 3 va 2 million so'mdan pul mukofotlari va televizor, +99 kg. vazn toifasida 2-o'rin sohibi 10 million, 3-o'rinni egallangan polvonlarning har biri 5 million so'm pul mukofotlari va televizorlar bilan taqdirlandi. 

1-o'ringa munosib topilgan kurashchi Samijon Ubaydullaevga Bosh sovrin – “Nexia-3” avtomashinasi kalitini Surxondaryo viloyati hokimi To'ra Bobolov topshirdi.

O'zbekistonda xizmat ko'rsatgan artist Lola Ahmedova, xushovoz xonanda Ozoda Nursaidova tomonidan ijro etilgan kuy-qo'shiqlar barchaga bayram kayfiyatini ulashdi. Surxondaryo viloyati hokimi sovrini uchun milliy kurash bo'yicha viloyat ochiq turnirida O'zbekiston milliy kurash federaciyasi raisi birinchi o'rinbosari K.Yusupov ishtirok etdi.

O'zbekiston kurash associaciyasi matbuot xizmati