ESPN NBA tarixidagi eng buyuk 75 basketbolchi reytingini tuzdi + FOTO

Unga ko'ra barcha davrlarning "Eng yaxshi basketbolchi"si sifatida "CHikago Bullz"ning afsonaviy o'yinchisi, olti karra liga chempioni Maykl Jordan etirof etildi. Ushbu reytingda ikkinchi o'rin "Los-Anjeles Leykers" etakchisi LeBron Jeymsga nasib etdi.

SHuningdek, kuchli o'nlikdan afsonaviy Karim Abdul-Jabbar, "Los-Anjeles Leykers" afsonasi Mejik Jonson, Uilt CHemberlen, 11 karra NBA chempioni Bill Rassell, uch karra NBA chempioni Larri Byord, besh karra NBA chempioni Tim Dankan, Oskar Robertson va "Los-Anjeles Leykers"ning mashhur basketbolchisi Kobi Brayant joy oldi.

Bundan tashqari, NBAning 11 nafar faol basketbolchisi ham ushbu ro'yxatga kirdi: Lebron Jeyms (2-o'rin), Kevin Dyurant (12-o'rin), Steven Karri (16-o'rin), Yannis Adetokunmbo (18-o'rin), Kris Pol (29-o'rin), Kavay Leonard (33-o'rin) ), Jeyms Xarden (50-o'rin), Rassel Uestbruk (68-o'rin), Karmelo Entoni (69-o'rin), Entoni Devis (71-o'rin), Demien Lillard (75-o'rin).