Farg'onada bel olish va uch kurash bo'yicha O'zbekiston chempionati o'tkazilmoqda

O'zbekiston Respublikasi Jismoniy tarbiya va sport vazirligi hamda O'zbekiston Bel olish va uch kurash associaciyasining yillik taqvim-rejasidan joy olgan mazkur mamlakat chempionatida ishtirok etish uchun Qoraqalpog'iston Respublikasi, Toshkent shahri va barcha viloyatlardan 400 nafardan ortiq yosh polvonlar ishtirok etmoqda.

Bugun shuningdek, musobaqaning tantanali ochilish marosimi ham tashkil etildi. Marosimda so'z olgan Farg'ona tumani hokimi o'rinbosari Ilhom Toshpo'latov, Bel olish va uch kurash associaciyasi bosh kotibi Nosir Azizovlar barcha sportchilarga musobaqada kuchli uchlikka kirishi uchun omad tilashdi.

Tadbir doirasida Farg'ona tuman hokimligiga Bel olish va uch kurash associaciyasi tomonidan tashakkurnoma va esdalik sovg'alari topshirilgan bo'lsa, Bel olish va uch kurash bo'yicha Farg'ona viloyat hududiy associaciyasi tomonidan 2-3 aprel kunlari o'quv-seminarda ishtirok etgan hakamlar va murabbiylar uchun esdalik sovg'alari ulashildi.    

Reglamentga muvofiq, Bel olish va uch kurashning yaktakli yo'nalishi bo'yicha bellashuvlar 6 aprelga qadar davom etadi. 7 apreldan esa uch kurash bo'yicha musobaqaga start beriladi.