Farg'onada belbog'li kurash bo'yicha O'zbekiston chempionati yakunlandi FOTOGALEREYA

Mamlakatimizning barcha hududlaridan 200 nafarga yaqin polvonlar ishtirok etgan mazkur kattalar o'rtasidagi chempionatda bellashuvlar har qachongidanda shiddatli va murosasiz bahslarga boy tarzda o'tdi.

Belbog'li kurash federaciyasining hakamlar hayati raisi Toshkentboy Yaxshiboev boshchiligidagi hakamlar guruhi esa kuchlilarni saralab borishdi.

Musobaqaning birinchi kunida erkaklar klassik usulida 8 ta vaznda, ayollar esa erkin yo'nalishda 7 ta vazn toifasida kurash olib borishdi.

Quyida g'olib sportchilar bilan tanishishingiz mumkin.

Erkaklar (klassik yo'nalish)

55 kg. 1. Jamoliddin Nematullaev (Namangan), 60 kg. 1. Husanboy Nosirov (Andijon), 66 kg. 1. Oybek Sultonov (Andijon), 73 kg. 1. Nusratbek Sultonboev (Andijon), 81 kg. 1. Husniddin Ro'ziev (Andijon), 90 kg. 1. Zaylobiddin Ortiqov (Toshkent sh.), 100 kg. 1. Azam Anvarjonov (Andijon), +100 kg. 1. SHerzod Rahimov (Farg'ona). 

Ayollar (erkin yo'nalish)

48 kg. 1. Kamolaxon Xabibullaeva (Andijon), 52 kg. 1. Madinaxon Akramova (Andijon), 57 kg. 1. Zemfira Azatova (Qoraqalpog'iston), 63 kg. 1. Manzuraoy Muydinova (Farg'ona), 70 kg. 1. Dilafro'z Mamajonova (Namangan), 76 kg. 1. Zeboxon Nosirova (Namangan), +76 kg. 1. Anife Kurtseitova (Andijon)

CHempionatning ikkinchi kunida erkaklar belbog'li kurashning erkin usulida 7 ta vazn toifasida o'zaro kuch sinashishdi.  

Erkaklar (erkin yo'nalish)

55 kg. 1. Abbos Xomidov (Farg'ona), 60 kg. 1. Azizbek Azimjonov (Farg'ona), 66 kg. 1. Xolmirza Hasanboev (Toshkent sh.), 73 kg. 1. Hasanjon Mirzarahimov (Farg'ona), 81 kg. 1. Muhammadillo Hayitboev (Namangan), 90 kg.1. SHerzod Abdumutalov (Namangan), 100 kg. 1. Ilyosjon Obidjonov (Farg'ona), +100 kg. 1. Davron Abdurahmonov (Farg'ona). 

Bellashuvlar yakuniga etgach, kuchli uchlikdan joy olgan sportchilarni taqdirlash marosimi bo'lib o'tdi. G'olib va sovrindorlar diplom, medal va qimmatbaho  sovg'alar bilan mukofotlanishdi. 

Taqdirlash marosimida shuningdek, O'zbekiston belbog'li kurash federaciyasi raisi Ravshan Dastirov ham ishtirok etib, medallarni qo'lga kiritgan sportchilarga hamda nominaciya g'oliblariga federaciya tomonidan ajratilgan  esdalik sovg'alarini topshirdi.

Ilhom RAHMONOV tayyorladi