Farg'onada ham Sog'lom hayot sari 5000 qadam tadbiri tashkil etildi

Ayniqsa, pandemiya davrida jamiyatda sog'lom turmush tarzini shakllantirish, kasalliklarning oldini olish, aholi keng qatlamlarini, ayniqsa keksalar va yoshlarni jismoniy tarbiya va sport bilan shug'ullanishga jalb etish, ommaviy sportning inson va oila hayotidagi muhim ahamiyatini targ'ib etish borasida keng ko'lamli ishlar amalga oshirilmoqda.

Farg'ona viloyati hokimi hamda viloyat jismoniy tarbiya va sport boshqarmasi tashabbusi bilan tashkil qilingan ommaviy yurish marafoni ommaviy sport tadbirlarining mantiqiy davomi va chinakam sport bayrami bo'ldi.

Bugun «Sog'lom hayot sari 5000 qadam» shiori ostida yurish marafoni hamda ertalabki badantarbiya mashg'ulotlari Farg'ona viloyati hokimining turizm va sportni rivojlantirish masalalari bo'yicha maslahatchisi Ahmedov Xurshidjon Rustamovich ishtirokida o'tkazildi. Yurish marafoniga Farg'ona shahridagi I.A.Karimov nomidagi sanat saroyi maydonidan start berildi. Ishtirokchilar belgilangan masofani bosib o'tgach, shu maydonda badantarbiya mashqlarini bajarishdi.

Bunday tadbirlar viloyatning barcha hududlarda o'tkazilmoqda.