Farg'onada O'zbekiston chempionati o'tkazilmoqda

O'zbekiston Respublikasi Turizm va sport vazirligi hamda O'zbekiston belbog'li kurash federaciyasining yillik-taqvim rejasidagi mazkur chempionatda mamlakatimizning barcha hududlaridan 200 nafarga yaqin polvonlar ishtirok etmoqda.

Ushbu musobaqada dastlab, tantanali ochilish marosimi tashkil etildi. Tabrik uchun so'z olgan federaciya raisi Ravshan Dastirov, Farg'ona viloyat hokimi o'rinbosari - turizm va sport bosh boshqarmasi boshlig'i Xurshidjon Ahmedov, O'zbekiston Milliy olimpiya qumitasining Farg'ona viloyati vakili, kurash bo'yicha Farg'ona viloyati ijrochi direktori Sevara Dehqonova, belbog'li kurash federaciyasi bosh kotibi Abdixalil Malikov, belbog'li kurash bo'yicha kattalar o'rtasida terma jamoa bosh murabbiyi Azamjon SHokirjonovlar  yurtimizda keyingi yillarda jismoniy tarbiya va sportga, milliy sport turlarimizga,  xususan, sportning aholi orasida ommaviyligini taminlash kabi ishlarga alohida etibor qaratilayotgani haqida takidlab, polvonlarlarga omad tilashdi. SHu tariqa kattalar o'rtasidagi mazkur O'zbekiston chempionatiga start berildi.

Takidlash joiz, ushbu bellashuvlarda erkaklar belbog'li kurashning erkin va klassik yo'nalishlarida 8 ta vazn toifasida, ayollar erkin yo'nalishda 5 ta vaznda g'oliblik uchun kurash olib borishmoqda. Bellashuvlar 1 iyunga qadar davom etadi.    

Ilhom RAHMONOV tayyorladi