22 iyu 18:30
Yangiliklar
Og'ir atletika
Farxodbek Sobirov yoshlar o'rtasidagi jahon chempionatida oltin medalga sazovor bo'ldi
Xabar berib o'tganimizdek, ayni kunlarda Yaponiya poytaxti Tokio shahrida og'ir atletika bo'yicha yoshlar o'rtasida jahon chempionati bo'lib o'tmoqda.
23 iyunga qadar davom etadigan musobaqada O'zbekiston terma jamoasining uch nafar azosi ham ishtirok etyapti. Jumladan 77 kg. vazn toifasida SHahzod Xudoyberganov, 94 kg. vaznda Farxodbek Sobirov va 105 kg. vaznli polvonlar bahsida Akbar Jo'raevlar kunchiqar yurtda mamlakatimiz sharafini himoya qilishmoqda.
Vakillarimiz orasida
birinchi bo'lib 77 kg. vazn toifasida SHahzod Xudoyberganov bahslarga
kirishgan, u dast ko'tarishda 152 kg, siltab ko'tarishda esa 186 kg. natija
bilan umumiy 338 kg. og'irglikni o'ziga bo'ysundirib, jahon chempionatining
kumush medaliga sazovor bo'lgandi.
![]()
Bugun yana bir
hamyurtimiz Farxodbek Sobirov 94 kg. vaznli polvonlar bahsida o'z
ishtirokini boshlab, yakunda jahon chempioni nomiga sazovor bo'ldi. Farxodbek
dast ko'tarishda avvalo 170 kg. tosh ko'targan bo'lsa, keyingi urinishlarda
175 va 180 kg. og'irlikni ham o'ziga bo'ysundirib 1-o'rinni egalladi.
![]()
Siltab ko'tarishda ham
o'zbek polvoniga teng keladigan raqib topilmadi. Sobirov ushbu yo'nalishda
birinchi urinishda 200 kg. toshga buyurtma berdi va ushbu og'irlikni ortiqcha
qiyinchiliksiz zabt eta oldi. Keyinchalik esa Farxodbek 206 va 210 kg.
og'irlikdagi toshlarni ko'tarib, umumiy 390 kg. natijasi bilan xaqli
ravishda jahon chempionligiga erishdi. 94 kg. vazn toifasida jahon
chempionatining kumush medali beloruslik Yauxeni Cixantsouga nasib qilgan
bo'lsa, Eron terma jamoasi azosi Rahmon Uramex bronza medaliga loyiq
ko'rildi.
![]()
Demak, jahon
chempionatida ishtirok etayotgan uch nafar vakilimizdan ikkitasi hozircha
oltin va kumush medallariga sazovor bo'lib ulgurishdi. Ertaga, 22 iyun kuni
og'ir vazndagi polvonimiz Akbar Jo'raev ham bahslarga kirishadi. Biz yoshlar
o'rtasidagi jahon chempionatida yurtimiz sharafini himoya qilayotgan
Akbarjonga ham omad tilab qolamiz va albatta jamoadoshlari boshlab bergan
zafarli yurishni munosib davom ettirishga umid qilamiz.
Havola :
Manba : olympic.uz
Fikrlar