Fazliddin G'oibnazarov uchun kuchli raqiblar izlanmoqda

Biroq, hozircha o'sha kuni Olimpiada chempioniga kim raqiblik qilishi nomalum. Bokschimizning murabbiyi Abror Tursunpo'latovning olamsport.com saytiga malum qilishicha, kuchli bokschilar Fazliddin bilan jang qilishni istamayaptilar.

"Hozircha raqib kim bo'lishi aniq emas. Bob Arum biz uchun kuchliroq raqib izlamoqda. Tezroq chempion bo'lish uchun reytingi balandroq bo'lgan bokschi bilan jang qilish lozim. Reytingi yuqori bokschilar esa Fazliddin bilan jang qilishni istamayaptilar. CHunki, xech kim tavakkal qilishni istamaydi. Agar ular G'oibnazarov bilan jangda yutqazib qo'yadigan bo'lsalar, reytinglari tushib ketishidan xavfsirashadi. Axir, Fazliddin ham kuchli bokschilardan hisoblanadi", - dedi Tursunpo'latov.