Fiziev Dos Anos bilan jangni o'tkazib yuborishi haqida gapirdi

"Men to'liq vayron bo'ldim, ammo Rafael dos Anos bilan jangda qatnasha olmasligimni elon qilishga majburman. Men zalda ajoyib tayyorgarlik olib borayotgandim, sizlar uchun shou ko'rsatishga tayyor edim. Tailanddan Las-Vegasga uchib keldim va koronavirus yuqtirib oldim. Uchinchi kuni haroratim yuqoriligi, suyaklardagi og'riq va yo'tal tufayli xonamda qoldim.

Sog'lig'im yaxshilanganidan keyin dos Anos bilan albatta jang qilaman. Undan kechirim so'ramoqchiman, lekin buni tilyog'lamalik deyish — mutlaqo yolg'on. Vaqt barchasini o'z o'rniga qo'yadi", - dedi Fiziev "Tvitter"dagi sahifasida.

Jang 5 mart sanasida, UFC 272 turniri doirasida bo'lib o'tishi kerak edi. SHu bilan ushbu jang ikkinchi marotaba qoldirilmoqda — ilk jang 19 fevral kuni Las-Vegasda bo'lib o'tishi kerak edi, ammo qirg'izistonlik jangchida viza muammolari borligi sabab bekor bo'lgandi.

Eslatib o'tamiz, Fiziev so'nggi jangini UFC Vegas 44 turniri doirasida yangi zelandiyalik Bred Riddelga qarshi o'tkazgan. O'shanda Rafael raqibini uchinchi raundda nokautga uchratib, g'olib bo'lgan edi. Aralash yakkakurashlarda Fiziev 12 ta jang o'tkazib, 11 ta g'alabaga erishgan va bir marotaba mag'lubiyatga uchragan.

Dos Anos esa so'nggi jangini 2020 yil noyabr oyida amerikalik Pol Felderga qarshi o'tkazgan va hakamlar qaroriga ko'ra g'olib deb topilgan. Rafael aralash yakkakurashlarda jami 43 ta jang o'tkazgan. 30 ta jangda g'alaba qozongan bo'lsa, 13 tasida mag'lubiyatga uchragan.