FOTO. Nodirbek Yoqubboev - Jahon chempionati sovrindori!

Unda O'zbekiston o'smir va yoshlar terma jamoasi azolari ham o'z imkoniyatlarini sinovdan o'tkazishdi. Quvonarlisi, 14 yoshgacha o'smirlar o'rtasidagi bahslarda yurtimiz sport sharafini himoya qilayotgan Nodirbek Yoqubboev jahon chempionatining bronza medaliga sazovor bo'ldi.

Nodirbek 11 imkoniyatdan 8 ochko jamg'arib, qo'shimcha ko'rsatkichlarga ko'ra 3-o'rinni egalladi. U so'nggi 11-turda qora donalarda o'ynashiga qaramay, reytingda o'zidan yuqorida turgan ukrainalik Kiril SHevchenkoni mag'lubiyatga uchratdi.

Ushbu yosh toifasida jahon chempioni bo'lish rossiyalik Semen Lomasovga nasib etdi. Lomasov singari 9 ochko to'plagan yana bir rus shaxmatchisi Andrey Esipenko kumush medal bilan taqdirlandi.

16 yoshlilar guruhida qatnashgan Saydali Saidakbarov qo'shimcha ko'rsatkichlarga ko'ra 16-o'rinni egalladi. Sakkizinchi pog'onadagi shaxmatchi hisobida ham Saidakbarov kabi 7 ochko bor.

16 yoshli qizlar guruhida ishtirok etgan shaxmatchimiz Nilufar Yoqubboeva esa 6,5 ochko bilan 10-o'rinni egalladi. 18 yoshgacha bo'lgan shahmatchilar musobaqasida qatnashgan Bahora Abdusattorova qo'shimcha ko'rsatkichlarga ko'ra 6,5 ochko bilan 13-pog'onani bad etdi.

Va nihoyat, 18 yoshli o'g'il bolalar musobaqasida o'z mahoratini namoyish etgan Adil Rahmon 11 imkoniyatdan 6 ochko to'plab, 21-o'rin bilan kifoyalandi.