19 sen 07:40
Yangiliklar

Tokio-2020

FOTO. Rioda Paralimpiya o'yinlarining yopilish marosimi bo'lib o'tdi

Xabar berganimizdek, Braziliyaning Rio-de-Janeyro shahri mezbonlik qilgan Paralimpiya o'yinlari tarix sahifalaridan joy oldi.

To'rt yillikning eng nufuzli musobaqasida 5ta sport turida 32 nafar sportchi bilan ishtirok etgan paralimpiyachilarimiz yakunda tarixiy natijani qayd etishdi. Ana shu 32 nafar sportchimiz musobaqada jami 31ta medalni qo'lga kiritdi.

Medallardan 8tasining oltin ekanligi har birimizga faxru iftixor baxsh etadi. SHuningdek, terma jamoamiz hisobida yana 6ta kumush hamda 17ta bronza medali ham bor. Yakunda 16-o'rinni egalladik.

Bundan bir necha daqiqa avval Rio Paralimpiya o'yinlarining tantanali yopilish marosimi bo'lib o'tdi. “Marakana” stadionida o'tgan marosim chog'ida Paralimpiya o'yinlarining bayrog'i Yaponiyaning Tokio shahriga tantanali ravishda topshirildi.