Fric Ar-Riyoddagi ko'rgazmali turnir finalida Medvedevni mag'lub etdi

Musobaqaning hal qiluvchi final uchrashuvida rossiyalik Daniil Medvedev hamda amerikalik Teylor Fric bosh sovrin uchun o'zaro bahs olib borishdi. Bahs "Diriyah Arena" stadionining xard qoplamali markaziy kortida bo'lib o'tdi.

Bir soatu 52 daqiqa davom etgan murosasiz uchrashuvda Fric 7:6 (7:5), 7:6 (7:3) hisobida nomdor raqibini mag'lub etdi. O'yin davomida amerikalik tennischi to'qqiz bor eys zarbasini amalga oshirib, uch marta qo'shxatoga yo'l qo'ydi. 

Medvedev hisobida esa 10 ta eys zarbasi bor, to'pni o'yinga kiritishda bir marta xatoga yo'l qo'ydi va to'qqizta breykning birirtasidan foydalana olmadi.

Turnirdagi g'alaba uchun Fric 1 million, Medvedev esa 500 ming dollar miqdorida pul mukofoti ishlab oldi.

Eslatib o'tamiz, musobaqaning yarim finalida Daniil Medvedev shveycariyalik Sten Vavrinkani mag'lub etgan bo'lsa, Teylor Fric 1/2 finalda britaniyalik Kemeron Norridan ustidan g'alaba qozongan edi.