08 apr 08:37
Yangiliklar

Futbol, Bolalar sporti

Futbol akademiyalari tarbiyalanuvchilari bellashdi FOTO

Bolalar-o'smirlar futbol akadimiyalarining U-14, U-15, U-16, U-17 yoshdagi tarbiyalanuvchilari o'rtasida futbol bo'yicha O'zbekiston chempionatining birinchi bosqich bellashuvlari bo'lib o'tdi.

Xususan, Toshkent shahri va poytaxt viloyati bolalar-o'smirlar futbol akadimiyalari tarbiyalanuvchilari ham birinchi bosqich doirasida o'zaro kuch sinashishdi.

Dastlab, Yangiyo'l tumanidagi Xalqaobod qo'rg'onida joylashgan stadionda 2005 hamda 2003 yilda tug'ilgan tarbiyalanuvchilar o'zaro bellashishdi. O'yin oldidan musobaqaning tantanali ochilish marosimi tashkil etildi va shundan so'ng musobaqaga start berildi. 2005 yilda tug'ilgan o'smirlar (U-14) bahsida 3:3 natijasi qayd etildi.

2003 yilda tug'ilgan (U-16) yosh futbolchilar uchrashuvi Toshkent viloyati bolalar-o'smirlar futbol akadimiyasi tarbiyalanuvchilarining 2:1 hisobidagi g'alabasi bilan yakunlandi.

Kunning ikkinchi yarmida esa dastur-rejaga muvofiq, o'yinlar Toshkent shahar bolalar-o'smirlar futbol akadimiyasi stadiondida 2002-2004 yilda tug'ilgan tarbiyalanuvchilar o'rtasida tashkil etildi. 2004 yilgi (U-15) futbolchilar o'rtasidagi o'yinda 2:2 hisobidagi durang natijasi qayd etildi. 2002 yilda tug'ilgan (U-17) bolalar o'yinida Toshkent shahar bolalar-o'smirlar futbol akademiyasi tarbiyalanuvchilari 2:0 natijasi bilan g'olib bo'lishdi.

Albert AHMADGALIEV, Toshkent viloyati bolalar-o'smirlar futbol akadimiyasi direktori:

- Futbol akadimiyalari o'rtasidagi mazkur ilk bor tashkil etilgan chempionat mamlakatimizda futbolni, xususan, bolalar futbolini yanada rivojlanishida, ommalashishida xizmat qiladi. SHuningdek, istedodli yoshlarni saralanishida keyinchalik professional tarzda tayyorlab borishda ham muhim hisoblanadi. Albatta, buning natijasida milliy terma jamoalarimiz, professional futbol klublarimizga munosib zaxira sportchilar tayyorlanishiga ham zamin bo'ladi.