Fyuri agar Joshuaga qarshi jang o'tkazilmasa, yana ketish bilan tahdid qildi

Bu haqda u Arslanbek Mahmudov ustidan hakamlarning yakdil qarori bilan qozonilgan g'alabali jangidan so'ng o'tkazilgan matbuot anjumanida malum qildi. Tayson Arslanbekka qarshi jangda beshinchi marta ringga qaytdi.

"Keling, bu jangni amalga oshiramiz. Hamma gap shunda. Agar Entoni Joshua bilan jang bo'lmasa, boks meni boshqa qiziqtirmaydi", - dedi Fyuri. — Men mingta pasxa tuxumini eb, 200 kg gacha semiraman. Ha, men bu safar boksdan butunlayga ketaman. YO u bilan jang qilaman yoki yana faoliyatimni yakunlayman.

"Nima uchun men maktab o'quvchilari bilan jang qilishim kerak? - deya qo'shimcha qildi Fyuri boshqa potencial raqiblar haqida gapirib. - Meni Daniel Dyubua yoki Mozes Itauma bilan jang qiziqtirmaydi. Men bilan jangda nimanidir isbotlamoqchi bo'lgan yosh bokschilar bilan jang qilish menga kerak emas. Menga baribir. Reyting va kamarlarga tupurdim. Meni faqat Joshua qiziqtiradi. Bu Britaniya boksi uchun hal qiluvchi jang.

Fyurining promouteri Frenk Uorrenning aytishicha, sobiq chempion Turki Al ash-SHayx taklifiga javoban allaqachon Joshua bilan jang qilishga rozilik bergan, uning menejeri Spenser Braun esa bu jang "bu yil 100 foiz o'tishiga" ishonch bildirdi.

Tayson Fyuri va Arslanbek Mahmudov o'rtasidagi jangni translyaciya qilgan Netflix striming xizmati Joshua bilan jang kuzga mo'ljallanganini, ehtimoliy arenalar sifatida Londondagi 90 ming kishilik "Uembli" hamda Dublindagi 82 ming kishilik "Krok Park" stadionlari tilga olinganini malum qildi.