Gandbol. Jizzaxlik o'smirlar o'z uylarida mamlakat chempioni bo'lishdi

2002-2003 yillarda tavallud topgan o'g'il bolalar jamoalari o'rtasida o'tkazilgan O'zbekiston chempionatida Qoraqalpog'iston Respublikasi, barcha viloyatlar hamda Toshkent shahridan terma jamoalar ishtirok etishdi. 

Hal qiluvchi final uchrashuvida Jizzax va Andijon viloyati terma jamoalari o'zaro to'qnash kelishdi. Raqibidan 40:32 hisobida ustun kelgan mezbonlar yakunda O'zbekiston chempioni bo'lishdi. 

Yarim finalda mag'lubiyatga uchragan Toshkent va Xorazm viloyati jamoalari keyingi o'rinlarni band etishdi. Jizzax viloyatining ikkinchi jamoasi so'nggi 15-pog'onadan joy oldi.