Gandbol: o'smirlar va qizlar terma jamoalari o'quv-mashg'ulot yig'inlarida qatnashmoqda

20 mayga qadar davom etadigan mazkur yig'in yosh gandbolchilarimiz uchun joriy yil noyabr oyida Xitoyning SHantau shahrida bo'ladigan o'smirlar o'rtasidagi III yoshlar Osiyo o'yinlariga tayyorgarlik bosqichi vazifasini o'tab beradi.

Mazkur o'quv-mashg'ulot yig'inlariga 24 nafar o'smirlar hamda 26 nafar qizlar jalb etilgan. Yosh sportchilarimizning mashg'ulotlarini esa naqd 10 nafar malakali trenerlar nazorat qilib borishmoqda.

O'quv-mashg'ulotlar yig'ini O'zbekiston gandbol federaciyasi hamda homiy tashkilotlar yordamida tashkil qilinib, sportchilarga barcha sharoitlar, jumladan zamonaviy sport majmualari, trenajyor zali, basseyn, yotoqxona, farmakologiya hamda bo'sh paytlarida madaniy hordiq chiqarishi uchun sharoitlar yaratib berilgan.

O'quv-mashg'ulot yig'inidan so'ng har ikkala jamoa 21-27 may kunlari Nukus shahrida o'tkaziladigan O'zbekiston kubogi bahslarida ishtirok etishi rejalashtirilgan.

Eslatib o'tamiz, O'zbekiston gandbol federaciyasi o'smirlar III yozgi Osiyo o'yinlariga puxta hozirlik ko'rish maqsadida o'smirlar va qizlar terma jamoalarini mamlakat chempionati va Kubogi musobaqalarida konkursdan tashqari qatnashishiga ruxsat bergan.