Gandbol: terma jamoalarimiz jahon kubogida Osiyo sharafini himoya qiladi

12-16 mart kunlari U-19 o'smirlar va U-21 yoshlar jamoalari o'rtasida har ikki yilda bir marta tashkil etiladigan jahon kubogining qitalararo bosqichida Afrika, Evropa, Osiyo, Okeaniya, Janubiy va Markaziy Amerika hamda SHimoliy Amerika va Karib havzasi bosqichlarida har bir yosh toifasida zafar quchgan bittadan jamoa maydonga tushadi.

U-19 o'smirlar birinchiligida Nigeriya (Afrika), Nikaragua (Janubiy va Markaziy Amerika), AQSH (SHimoliy Amerika va Qarib havzasi), Yangi Kaledoniya (Okeaniya), O'zbekiston (Osiyo), Kosovo (Evropa) davlatlari kurash olib borsa, U-21 yoshlar birinchiligida Nikaragua (Janubiy va Markaziy Amerika), Ruanda (Afrika), AQSH (SHimoliy Amerika va Qarib havzasi), Yangi Kaledoniya (Okeaniya), O'zbekiston (Osiyo), Bolgariya (Evropa) jamoalari qatnashadi.

Quraga ko'ra, bu jamoalar avvaliga uchtadan ikki guruhga taqsimlanadi. O'z guruhida 1 va 2-o'rinni egallagan jamoalar yarim finalga yo'l oladi. Uchinchi o'rin sohiblari 5-o'rin uchun maydonga tushadi.

Aytish lozim, qitalararo jahon kubogi yo'llanmasini har bir jamoa o'z qitasida o'tkazilgan saralash musobaqalarida qo'lga kiritgan. Jumladan, O'zbekiston terma jamoalari joriy yilning 3-7 yanvar kunlari Hindistonning Lakxnau shahrida U-18 o'smirlar va U-20 yoshlar jamoalari o'rtasida tashkil etilgan Xalqaro gandbol federaciyasi kubogining Osiyo qitasi bosqichida g'oliblikni qo'lga kiritib, jahon kubogi bosqich yo'llanmasiga ega chiqqandi.

Mamlakatimizning U-19 va U-21 terma jamoalari ayni kunlarda Toshkent shahridagi Respublika olimpiya va paralimpiya sport turlariga tayyorlash markazi majmuasida ushbu nufuzli musobaqa oldidan hal qiluvchi o'quv-mashg'ulot yig'inini o'tkazmoqda.

Yurtimiz gandboli to'g'risida yana bir yangilik. Poytaxtimizda O'zbekiston gandbol federaciyasi Toshkent shahar bo'limining o'tkazilgan navbatdan tashqari yig'ilishida bo'limning yangi raisi saylandi.

Poytaxtda faoliyat yuritayotgan trenerlar va soha mutaxassislari ishtirok etgan tadbirda Sportning o'yin turlari va engil atletika bo'yicha ixtisoslashtirilgan sport maktabi direktori Sanjarbek Nazarov O'zbekiston gandbol federaciyasi Toshkent shahar bo'limi raisligiga saylandi.