22 dek 09:58
Yangiliklar

Gandbol

Gandbol. Yoshlarimiz Italiyadagi turnirda chempion bo'lishdi+FOTO

Gandbol bo'yicha 2000-2001 yillarda tug'ilgan O'zbekiston yoshlar terma jamoasi Italiyaning Florenciya shahrida o'tkazilgan xalqaro musobaqa g'olibiga aylandi.

12-21 dekabr kunlari o'tkazilgan ettinchi xalkaro turnirda mezbon Italiya hamda O'zbekistondan tashqari Bolgariya, Belgiya, Ruminiya, Vengriya kabi Evropaning ko'zga ko'ringan davlat terma jamoalari ishtirok etishdi.

Ulug'bek Ikromov bosh murabbiyligidagi yoshlarimiz aylana tizimda o'tgan musobaqada Bolgariya terma jamoasini 28:20, Vengriyani 31:29, Belgiyani 22:20, Ruminiyani 38:28, Italiyani 30:26, mezbonlardan “Teramo” hamda “Florenciya” klublarini mos ravishda 26:14 va 34:31 hisobida mag'lub etishdi.

SHu tariqa, barcha uchrashuvlarda g'alabaga erishgan O'zbekiston yoshlar terma jamoasi musobaqa g'olibiga aylandi. Belgiya va italiyalik gandbolchilar kuchli uchlikdan joy olishdi.