Gandbolchi yigitlarimiz Janubi-SHarqiy Osiyo chempionatida g'alaba qozonishdi

 Unda mintaqa vakillari bilan bir qatorda taklifnoma asosida O'zbekiston terma jamoasi ham ishtirok etdi. Quvonarlisi, hamyurtlarimiz barcha o'yinlarda g'alaba qozonib, musobaqaning bosh sovrinini qo'lga kiritishdi.

Terma jamoamiz aylana tizimda o'tgan chempionatda dastlab mezbonlarni (17:12), shundan so'ng Vetnam (35:27), Malayziya (31:17), Yaponiya (36:30), Tailand (25:14), Xitoy Taipeyi (34:29) va yakunda Gonkong termasini (36:28) mag'lubiyatga uchratishga muvaffaq bo'ldi. 

Yurtdoshlarimizdan so'ng eng ko'p ochko jamg'argan Singapur kumush medal bilan taqdirlangan bo'lsa, kuchli uchlikni Malayziya va Gonkong jamoalari yakunlab berdi.