08 jan 11:34
Yangiliklar

Tennis

Germaniya - United Cup sohibi!

Avstraliyaning Pert shahrida tennis bo'yicha terma jamoalar o'rtasidagi United Cup turniri yakuniga etdi.

Bosh sovrin biroz kutilmaganda Germaniya terma jamoasiga nasib etdi. Nemislar hal qiluvchi final uchrashuvida tarkibida dunyoning birinchi raqamli tennischisi Iga Svyontek bo'lgan Polsha terma jamoasini 2:1 hisobida mag'lub etishdi.

CHempionlik taqdirini hal qilgan juftliklar uchrashuvida Aleksandr Zverev va Laura Zigemund polshaliklar Xubert Gurkach hamda Iga Svyontek hamkorligini 6/4, 5/7, tay-brekda 10:4 hisobida mag'lubiyatga uchratishdi.

Bir yuz besh daqiqa davom etgan bahsda Zverev/Zigemund juftligi 7, Gurkach/Svyontek tandemi esa 9 ta eys zarbasini amalga oshirgan. Ikkala jamoa ham 3 tadan breyk qayd etishdi. Qo'shxatolar Germaniyada ko'proq bo'ldi 4 ga 3 ko'rinishida.