G'ijduvonda belbog'li kurash bo'yicha musobaqa o'tkazildi

2008-2012 yillarda tug'ilgan o'g'il bolalar va qizlar o'rtasida o'tkazilgan mazkur viloyat ochiq chempionatda Qashqadaryo, Navoiy, Buxoro singari viloyatlardan 200 nafardan ortiq yoshlar o'zaro kuch sinashishdi. 

Buxoro viloyat sport boshqarmasi, G'ijduvon tuman olimpiya va milliy sport turlari bo'yicha ixtisoslashtirilgan davlat maktab-interneti hamda belbog'li kurash federaciyasi Buxoro viloyat bo'limi bilan hamkorlikda o'tgan ochiq chempionatda Firdavs Qiyomiddinov (32 kg. Buxoro), G'olib Ibragimov (71 kg. Navoiy), SHaxrizoda Ubaydullaeva (+52 kg. Qashqadaryo), Kumush Xolmurodova (40 kg. Buxoro) singari yoshlar o'z vazn toifalarida birinchi o'rinni qo'lga kiritishdi. 

Yuqori saviyada tashkil etilgan musobaqa yakunida g'olib va sovrindorlar diplom, medal va esdalik sovg'alari bilan taqdirlanishdi. Darvoqe, shuningdek belbog'li kurash federaciyasi Buxoro viloyati bo'limi tomonidan 2025 yil sarhisobiga bag'ishlangan tadbir ham tashkil etildi. Ushbu sarhisob tadbirida viloyat federaciyasi tomonidan o'tgan yilgi amalga oshirilgan ishlar tahlil qilindi. Tadbir so'nggida "eng yaxshi" deb topilgan sportchi va murabbiylar munosib taqdirlanishdi. 

— Milliy sport turimiz bo'lgan belbog'li kurashni viloyatimizda  yanada rivojlantirish bosh maqsadimiz sanaladi,  — deydi Belbog'li kurash federaciyasi Buxoro viloyati bo'limi ijrochi direktori Sohibjon Qosimov. — Bugun o'tkazilgan mazkur ochiq chempionat ham nafaqat belbog'li kurashni ommalashishiga xizmat qiladi, balki kuchli va iqtidorli sportchini saralash vazifasini ham o'tab berdi. Boisi, joriy yilda belbog'li kurash bo'yicha nufuzli xalqaro musobaqalar o'tkazilishi rejalashtirilgan va ushbu musobaqalarda viloyatimiz polvonlari ham mamlakat milliy terma jamoalarimiz safida turib, Yurtimiz sharafini himoya qilishni niyat qilganmiz.

Ilhom RAHMONOV tayyorladi