08 apr 06:06
Yangiliklar
Boks/MMA
Gilbert Byorns: "SHavkat Rahmonov CHimaevdan kuchliroq"
Braziliyalik 35 yoshli UFC jangchisi Gilbert Byornsning fikricha, qozog'istonlik SHavkat Rahmonov chechen Xamzat CHimaevdan kuchliroq ekan.
"SHavkat CHimaevdan kuchli. Buni uning natijalari ham tasdiqlab turibdi. Rahmonov 15 ta jang o'tkazib, ularning barchasida muddatidan avval g'alaba qozongan. SHu statistikaning o'ziyom kimning kuchli ekanini ko'rsatib turibdi", — dedi Byorns.
Takidlash joiz, SHavkat Rahmonov UFC promoushenida endigina 3 ta jang o'tkazgan. U M-1 Global promoushenining eng yosh chempioni hisoblanadi. Boz ustiga u o'sha paytda havaskor bo'la turib chempionlik kamariga ega chiqqandi.
Eslatib o'tamiz, Byorns – CHimaev jangi bizning vaqt bilan kelayotgan yakshanba tongida UFC 273 turniri doirasida o'tkaziladi.
Havola :
Fikrlar