G'olibga 50 million vada qilingan kurash gilamida malikalar bellashadi

Ushbu musobaqada Qoraqalpog'iston Respublikasi, Toshkent shahri va barcha viloyatlardan ishtiroki kutilayotgan xotin-qizlardan iborat terma jamoalar 48kg, 57kg, 63 kg, 70kg +70 kg vazn toifalarida jamoaviy bahslarda kuch sinashishadi.

Musobaqani tashkil etishdan maqsad - 8 mart - Xalqaro xotin-qizlar bayrami munosabati bilan, shuningdek, olis o'tmishdan bizgacha etib kelgan qadriyatimiz, xususan, mardlik, jasurlik, vatanparvarlik kabi g'oyalarni o'zida mujassam etgan milliy sportimiz bo'lgan kurashni yanada rivojlantirish, bu qadriyatimizni umumjahon sport durdonasiga aylantirish, xotin-qizlar o'rtasida kurashni yanada ommalashtirishdan iborat.

Takidlash joiz, musobaqa g'olib va sovrindorlariga "Kurash malikalari kubogi" ramzi tushirilgan kubok, diplom va qimmatbaho esdalik sovg'alari topshiriladi. SHu bilan bir qatorda shoxsupadan joy olishga muvaffaq bo'lgan jamoalar quydagi pul mukofotlari bilan taqdirlanishadi:

1- o'rin: 50 000 000 (ellik million) 

2-o'rin: 30 000 000 (o'ttiz million) 

3-o'rin: 10 000 000 (o'n million) 

Kurash federaciyasi matbuot xizmati malumotiga asosan Ilhom RAHMONOV tayyorladi