Hamid Olimjonning evarasi Osiyo chempionatida qatnashadi!

7-17 yoshli sportchilar o'rtasidagi qita chempionatida jami 15 nafar umidli yoshlarimiz yurtimiz sharafini himoya qilishadi. Ularning 12 nafari bundan bir oz muqaddam Toshkentda o'tgan maktab o'quvchilari o'rtasidagi birinchi mamalakat chempionatining kumush medal sohiblaridir.

Bu sportchilar O'zbekiston Bolalar sportini rivojlantirish jamg'armasi mablag'lari hisobidan qita chempionatida qatnashadilar. Qolgan uch shaxmatchi esa o'z hisobidan Osiyo chempionatida g'oliblik uchun dona surishni maqsad qilgan. Tarkibdan o'rin olgan o'smirlar orasida Daler Vohidov, Humoyun Sindorov, Svetlana CHaykina, Alixon Avazxonov kabi anchagina tajribali yoshlar bor.

SHuningdek, mashhur shoirimiz Hamid Olimjonning evarasi Sarvarbek Olimjonov ham nufuzli musobaqada o'z mahoratini namoish etadi. Erondagi Osiyo chempionatida ishtirokchilar klassik, blic va rapid yo'nalishlari bo'yicha o'zaro baxs yuritishadi.

Kezi kelganda takidlash lozimki, mamlakat chempionatida g'olib bo'lganlar joriy yilning noyabr-dekabr oylarida Rossiyaning Sochi shahrida tashkil etiladigan maktab o'quvchilari o'rtasidagi jahon chempionatida dona suradilar.