Hamkorlik Memorandumi imzolandi

CHempionat doirasida Jizzax viloyati hokimligida Tatariston Respublikasi sport vazirligi va hokimiyat vakillari hamda OAV xodimlari ishtirokida uchrashuv bo'lib o'tdi. 

Unda tomonlar ommaviy sport turlarini rivojlantirish, xalqaro toifadagi sport ustalari va sportchilar tayyorlash, ayollar o'rtasida sport turlarini ommalashtirish borasida olib borilayotgan ishlar haqida ishtirokchilarga batafsil malumot berishdi.

Jumladan, Jizzax viloyati hokimi Ergash Saliev yurtimizda, xususan, Jizzax viloyatida sportni rivojlantirish borasida olib borilayotgan ishlar, bunyod etilayotgan yangi sport- sog'lomlashtirish maskanlari haqida gapirib berar ekan, bularning barchasi yurtimizda sportni rivojlantirishga davlat siyosati darajasida etibor qaratilayotgani bilan bog'liq ekanini takidladi.

O'z navbatida Tatariston Respublikasi sport vazirining birinchi o'rinbosari Xalil SHayxutdinov o'z yurtida sportning bugungi kundagi rivoji, sport maktablarining faoliyatini yo'lga qo'yishda qaysi jihatlarga etibor qaratgani haqida gapirar ekan, bu borada mamlakatimizda amalga oshirilayotgan ishlarni ham yuqori baholadi.  

Tadbir doirasida Jizzax viloyati hokimligi va Tatariston Respublikasi sport vazirligi o'rtasida jismoniy tarbiya va sport sohasida hamkorlik qilish bo'yicha Memorandum imzolandi.

Memorandumni viloyat hokimi Ergash Saliev va Tatarston Respublikasi Sport vazirining birinchi o'rinbosari Xalil SHayxutdinov imzolashdi.

SHuni alohida takidlash kerakki, imzolangan Memorandum xalqlar o'rtasidagi do'stlikni mustahkamlash, yoshlar siyosati, jismoniy tarbiya va sport sohasidagi hamkorlikni yanada rivojlantirishga qaratilgani bilan ahamiyatlidir.

Jumladan ikki tomonning kelishuviga asosan davlat tashkilotlari, talim muassasalari, federaciyalar va boshqa sport tuzilmalari o'rtasida ommaviy sport turlari, nogironlar sporti, elita sporti va sport bo'yicha kadrlarni tayyorlash yo'nalishlarda o'zaro manfaatli dasturlar, tajriba va malumotlar almashinuvi yo'lga qo'yiladi.

SHuningdek, memorandum doirasida hamkorlarda har yili Jizzax viloyati va Tatariston Respublikasida belbog'li kurash bo'yicha bittadan (xalqaro miqyosda) musobaqa o'tkazilishi rejalashtirib olindi.

Tadbir so'ngida viloyat hokimi Jahon chempionatida mukofot jamg'armasi uchun qo'yilgan 56 000 AQSH dollaridan tashqari O'zbekiston Respublikasi Prezidenti sovrini - ikkita "Kobalt" avtomobili ham o'z sohiblarini kutayotganini elon qildi.

Alimurod MAMADAMINOV, Ilhom RAHMONOV, Jizzax viloyatidan maxsus