Hamyurtimiz Osiyo regbi uyushmasi ijroiya qo'mitasi azoligiga qayta saylandi

Majlis pandemiya sharoitini hisobga olgan holda videokonferenciya shaklida tashkil etildi.

Biz uchun ahamiyatlisi, Osiyo regbi uyushmasining Kengash majlisida O'zbekiston regbi federaciyasi bosh kotibi Kahramon Jalilov Osiyo regbi uyushmasi ijroiya qo'mitasi azoligiga qaytadan 4 yil muddatga saylandi.

Q.Jalilovning saylovoldi dasturidagi muhim bandlardan biri – bu Markaziy Osiyo regbi hududini yanada rivojlantirish, barcha yosh toifalari bo'yicha musobaqalar sonini oshirish, MDH davlatlari va uzoq xorijiy mamlakatlar bilan aloqalarni rivojlantirishdan iborat edi.

Osiyo regbi uyushmasi ijroiya qo'mitasi azoligiga qayta saylanganligiga izoh berar ekan, Qahramon Jalilov quyidagilarni bildirdi: «Ushbu voqea Xalqaro regbi hamjamiyatining O'zbekistonda ushbu Olimpiya sport turini rivojlantirishga yuqori etibor va ishonchni namoyish etadi. 

Qolaversa, bu O'zbekiston Respublikasi Prezidenti tomonidan 2019 yilda tasdiqlangan mamlakatimizda regbi sportini rivojlantirish bo'yicha hukumat dasturining qabul qilinganligiga minnatdorlik ifodasidir».

Osiyo regbi uyushmasi ijroiya qo'mitasiga O'zbekistondan tashqari Janubiy Koreya, Tailand, Xitoy, Eron va Livandan ham vakillar saylanishdi.