“Haqqim bor” filmining premerasi bo'lib o'tdi

 Film bugungi kun zo'ravolikka uchrayotgan bolalarining orzu-umidlari, hayotga bo'lgan qiziqishlari hamda ular duch kelayotgan ijtimoiy muammolarni chuqur yoritib bergan.

Ushbu kartinada bolalarning ichki kechinmalari, ijtimoiy himoya va qo'llab-quvvatlash muhitida o'z o'rnini topishga bo'lgan intilishlari mahorat bilan ifodalangan.

Premerada O'zbekiston Respublikasi Prezidenti huzuridagi Ijtimoiy himoya milliy agentligi, shuningdek, Milliy Olimpiya va Paralimpiya qo'mitalari rahbariyati, sport va kino olamining taniqli vakillari ishtirok etdi.

Film namoyishi 1 iyun — “Xalqaro bolalarni himoya qilish kuni” arafasida tashkil etilgani bilan yanada ahamiyatli bo'ldi. Bu esa filmning asosiy g'oyasi — bolalarning huquqlari, imkoniyatlari va jamiyatdagi o'rni borasidagi masalalarni keng jamoatchilik etiboriga havola etish maqsadini yanada kuchaytirdi.

Film namoyishi yakunidan keyin rasmiylar zo'ravonlik qurboni bo'lgan bolalar tomonidan chizilgan suratlar ko'rgazmasini ko'zdan kechirishdi. Unda bolalar dunyoni qanday ko'rishlari, ichki kechinmalari tasirli aks ettirib berilgan.