Hasanboy Bibosinov bilan jang haqida: "Revansh olaman. SHuning uchun ham havaskor boksga qaytdim"

"Bu raqibim bilan birinchi marta boks tushishim. Bungacha janglarini ko'rib chiqqandim. Uni o'rganib olishga 1 raund ketdi va shu sababli yutqazib qo'ydim. Burchakka kelganimdan keyin murabbiylar ko'rsatmalari bilan jangni davom ettirdim va g'alabani o'z tomonga og'dirib oldim. 

Navbatdagi jangim, o'zim kutgan raqib - Saken Bibosinov bilan bo'ladi. Xudo xohlasa revansh olaman. SHuning uchun ham havaskor boksga qaytdim. Yana barchasini isbotlash uchun. 

Hakamlar? Bundaylar holatlar bo'lib turadi. Yarim finalga 10 nafar bokschi bilan keldik. Yoshlarda hali imkoniyatlar ko'p. Masalan Asadxo'ja Mo'ydinxo'jaev yutgandi, ammo ko'rganigizdek g'alaba raqibga berildi", - dedi Hasanboy. 

Eslatib o'tamiz, Hasanboy kecha yarim finalda mo'g'ulistonlik raqibni mag'lub etgandi. Ertaga u finalda qozog'istonlik Saken Bibosinov bilan jang o'tkazadi. U 2021 yil Serbiyada o'tkazilgan jahon chempionatida Bibosinovga imkoniyatni boy berib qo'ygandi.