Hasanboy Do'smatov kelgusi rejalari bilan o'rtoqlashdi

Bokschi MOQ matbuot xizmatiga kichik intervyu berdi.

– Eng yaxshi erkak sportchi nominaciyasi uchun raqobat katta edi. Siz o'zingiz bu nominaciyada g'olib bo'lishingizni kutganmidingiz?

"Bu nominaciyaga nomzodim qo'yilganini eshitganimdayoq juda ham xursand bo'ldim. To'g'risi, shuncha nomzodlar orasida meni tanlashlarini kutmagan edim. CHunki bu nomga davogarlar ko'pchilikni tashkil qilgan. Bu yil o'zbekistonlik sportchilar o'zlari ishtirok etgan asosiy musobaqalarda yuqori natijalarga erishdi. Mukofot menga berilgani bilan aslida barchamizniki deb bilaman. Bunga Parijdagi hamma qahramonlar haqli".

– Bu etirof siz uchun nimani bildiradi?

"Bunday nom menga katta motivaciya berdi. Endi hozirgi darajamni tushirib yuborishga haqqim yo'q. Barcha yurtdoshlarimiz mendan har bir jangda g'alaba kutadi va ular istagan chiroyli boksni ko'rsatib, yurtimiz sharafini munosib himoya qilishda davom etaman".

– 2025 yil uchun rejalaringiz qanday?

"Kelasi yil havaskorlar o'rtasida jahon chempionati tashkil etiladi. SHuningdek, professional boks bo'yicha ham bir necha jang o'tkazishni reja qilganman. Nasib qilsa, bularning barchasida g'alaba qozonib, navbatdagi chempionliklarga erishishni oldimga maqsad qilib qo'yganman", dedi Do'smatov.