Hasanboy Do'smatov kutilganidek ispaniyalik raqibini mag'lub etdi va jahon chempionati finaliga yo'l oldi!

Bugungi kun doirasidagi beshinchi hamyurtimiz ham o'z jangini o'tkazdi. -51 kg vazn toifasidagi bokschimiz Hasanboy Do'smatov Ispaniya vakili Martin Molinaga qarshi ringga ko'tarildi. Mazkur jang to'liq 3 raund davom etdi va unda hakamlarning yakdil qarori bilan 5:0 hisobida Hasanboy Do'smatov g'alaba qozondi va finalga yo'l oldi.

Ispaniyalik Martin Molina esa bronza medali hamda 50 ming dollar mukofot pulini qo'lga kiritdi.