08 fev 17:56
Yangiliklar

Dzyudo

Hikmatulloh To'raev amaldagi Olimpiada chempionini mag'lub etdi

Parij tatamilarida o'tkazilayotgan "Katta Dubulg'a" turkumiga kiruvchi turnirning birinchi kungi bahslari o'zining qizg'in pallasiga kirib bormoqda.

Hozirgina -73 kg vazn toifasida yurtimiz sharafini himoya qilayotgan dzyudochimiz Hikmatulloh To'raev chorak final yo'llanmasini qo'lga kiritdi. To'raev nimchorak final bellashuvida Rio-2016 Olimpiadasi chempioni, italiyalik Fabio Bazileni vazari bahosi evaziga mag'lubiyatga uchratdi.

Birozdan so'ng yurtdoshimiz chorak final bahsida mo'g'ulistonlik Cogtbaatar Cend-Ochirga qarshi tatamiga chiqadi. Mo'g'ul dzyudochisi nimchorak finalda polshalik raqibidan ustun kelgan.