08 fev 23:12
Yangiliklar

Dzyudo

Hikmatulloh To'raev Parij "Katta Dubulg'a" turniri bronza medali sohibi va rekordchisi!

Dzyudochimiz Hikmatulloh To'raev Parij "Katta Dubulg'a" turnirning bronza medalini qo'lga kiritdi.

-73 kg vazn toifasida yurtimiz sharafini himoya qilgan To'raev avvaliga o'tish bahsida reytingda 19-o'rinni egallab turgan tojikistonlik Somon Mahmadbekovni vazari bahosi evaziga mag'lubiyatga uchratgandi.

Biroz avval To'raev kechki yarim finalda mag'lubiyatga uchragan turkiyalik Bilal Silogluga qarshi bronza medali uchun tatamiga chiqdi. Ushbu bahsning o'ninchi soniyasidayoq dzyudochimiz sof ippon bahosi evaziga raqibini mag'lub etib, bronza medali hamda 500 reyting ochkosini qo'lga kiritdi. O'ninchi soniyada IPPON, bu - REKORD natija!