Humoyun Sultonov Kalaburagida 1/4 finalga chiqdi

Mukofot jamg'armasi 25 000 AQSH dollarini tashkil qiluvchi turnirda hamyurtimiz Humoyun Sultonov ham o'z mahoratini namoyish etyapti. Mamlakatimizning birinchi raketkasi M25 toifasiga kiruvchi ushbu turnirda birinchi raqam ostida saralangan.

Biroz avval yakuniga etgan 1/8 finalda Sultonov hindistonlik Srinivasan Kodanchaga qarshi bahs olib bordi. Etmish daqiqa davom etgan bahsda Humoyun 6/4, 6/0 hisobida zafar quchdi. Ertaga tennischimiz 1/4 finalda Maksim Jukovga qarshi kortga chiqadi. Rossiyalik 19 yoshli tennischi bugun 1/8 finalda hindistonlik Rishab Agarvaldan ortiqcha qiyinchiliksiz 6/1, 6/1 hisobida ustun keldi.   

Taqqoslash uchun, Sultonov ATP reytingida 230, Srinivisan 1781, Jukov 738-pog'onani band etgan.