Humoyun Sultonov turnirning oltinchi raketkasini taslim etdi

Mukofot jamg'armasi 100 000 AQSH dollarini tashkil etuvchi musobaqada hamyurtimiz Humoyun Sultonov ham muvaffaqiyatli start oldi. Mamlakatimizning birinchi raketkasi ilk davrada qozog'istonlik Timofey Skatovga qarshi kortga chiqdi. Ikki soatu olti daqiqa davom etgan bahsda Sultonov raqibini tay-breklarda mag'lubiyatga uchratdi - 7/6(4), 7/6(6).  

Taqqoslash uchun, Sultonov ATP reytingida 223, turnirda oltinchi raqam ostida tasniflangan Skatov esa 191-o'rinni egallab turibdi. Bu tennischilarning o'zaro o'tkazgan ilk uchrashuvi bo'ldi. Bugun Humoyun 1/8 finalda yaponiyalik Hiroki Moriyaga qarshi bahs olib boradi. 

Saralashdan asosiy to'rga etib kelgan Moriya 1/16 finalda reytingda o'zidan 119 pog'ona yuqorida borayotgan franciyalik Jyoffri Blankaneksni 7/5, 7/5 hisobida engdi.