Humoyun To'xtamurodov ozod etildimi? U Instagram'iga yangi post joyladi va muxlislariga murojaat qildi

Oldinroq, sportchining insta akkaunti butkul yo'qolib qolgani haqida xabar bergan edik.

Ammo kecha To'xtamurodovning Instagram tarmog'idagi rasmiy sahifasi qayta ishga tushdi. Humoyun To'xtamurodov nomidan yuritilayotgan ushbu akkauntga yangi post joylandi va unda sportchining muxlislariga murojaati aks etdi:

"Barchaga Assalomu Alaykum!

Qudrati va Adolati butun dunyoga dong urgan O'zbekiston vatanimga kindik qonim to'kilgan kundan boshlab, shu mehribon O'zbek xalqim uchun, Allohim nazari tushgan Yurtboshim uchun fidoiy bo'lib tug'ilganimni va shu yo'sinda yashab o'tishim kerakligini his qilganman!

Bayrog'i elkam uzra hilpirab turgan payt Aziz Vatanim, butun ona xalqim qo'llab-quvvatlagani kabi men ham shu xalq uchun, O'zbekiston uchun jonimni har on berishga tayyorman!

Men Humoyun To'xtamurodov, shu buyuk yurt bayrog'ini dunyo uzra ko'tarilishida oz bo'lsa-da hissa qo'shishni oliy maqsad bilgan oddiy xalq ichidan chiqqan, Vatanga muhabbati cheksiz sportchiman!

Meni hech qanday jinoyatchi guruhlar, qonunbuzarlar bilan aloqam yo'q! OAVda men haqimda aytilgan gumonlarning barchasi asossiz! Yangi O'zbekistonda qonun ustuvor! Bu yurt non-suvini, mehrini ichib yashagan har bir inson bu yurt qonunlariga ham amal qilib yashashi shart!

Men uchun havotir olgan, duo qilgan suyukli xalqimga minnatdorchilik bildiraman! Kelajakda butun dunyo bo'ylab Vatanim bayrog'ini munosib himoya qilishga vada beraman! Olg'a O'zbekistonim",  deyiladi murojaatda.