10 iyu 13:14
Yangiliklar
Boks/MMA
IBF Derevyanchenko - Alvares jangi bo'yicha promouterlik savdosini belgiladi
Xalqaro boks federaciyasi (IBF) o'rta vazn toifasida jahon chempioni Saul Alvares hamda rasmiy davogar ukrainalik Sergey Derevyanchenko jangi yuzasidan promouterlar o'rtasida savdo o'tkazilishini belgiladi.
Aslida IBF 15 may kuni savdo o'tkazilishi bo'yicha bokschilarning jamoalari uchun 30 kunlik muxlat bergandi. Lekin Alvares bu jangga qiziqish bildirmadi. Muddat yakunlanishi bilan Derevyanchenko vakili Aleks Dombroff IBF tashkilotiga murojaat qildi.
IBF qoidalariga ko'ra, endi boshqa promouterlar o'rtasida jangga egalik qilish huquqi bo'yicha ochiq savdo o'tkaziladi. Ushbu marosim 23 iyul kuni AQSHning Nyu-Jersi shtati Springfild shahrida bo'lib o'tadi.
Agar Saul majburiy chempionlik jangiga rozi bo'lmasa, u holda IBF Saulni chempionlik kamaridan mahrum qiladi. Vakant bo'lib qolgan kamar uchun esa reytingning kuchli uchligida turgan Derevyanchenko (1) va Gennadiy Golovkin (3) o'rtasida chempionlik jangi o'tkaziladi.
Havola :
Fikrlar