Ibodat Agajanova: "Xech kimdan kam emasligimizni isbotlayman"

"Musobaqaga tayyorgarligimiz alo darajada o'tmoqda. Jamoadoshlarim bilan birgalikda mashg'ulotlarda qatnashyapmiz. Murabbiylarimiz har bir kamchiliklarimiz ustida ishlashmoqda. Mashg'ulotlardan ko'nglim to'q, xato va kamchiliklarimiz tuzatildi.

Bunday nufuzli musobaqalar oldidan har bir sportchi o'z oldiga maqsad qo'yadi. Men ham shu o'rinda aytishni istardim. Maqsadim - bayrog'imizni yuqori ko'tarib, oltin medalni qo'lga kiritishdir. Xudo xohlasa bu maqsadimga erishaman.

Jahon chempionatiga har bir davlatning eng kuchlilari saralanib keladi. Ularning o'ziga yarasha mahroati bor. Mening bu yo'ldagi raqiblarim, Rossiya, Belarus, Ukraina, Qozog'iston kabi mamlakatlardan bo'ladi.

CHempionatning O'zbekistonda o'tkazilishi barchamiz uchun yaxshi imkoniyat deb bilaman. CHunki o'z yurtimizda, yaqinlarimizning yonlarida bo'lamiz. Ularning qo'llab-quvvatlashini his qilamiz. Bunday pallada o'zimga bo'lgan ishonchim yanada ortadi.

Men ham ruhan, ham jismonan musobaqaga tayyorman. Nasib qilsa, Prezidentimizning, ota-onamning, ustozlarim va muxlislar ishonchini oqlayman. Oltin medal qo'lga kiritib, xech kimdan kam emasligimizni isbotlayman", - dedi Ibodat Agajanova.

O'zbekiston sambo associaciyasi matbuot xizmati