Ikki jamoamiz 50th Interamnia World Cup g'olibi!

Ushbu musobaqada sayyoramizning 5 qitasi 46 davlatidan kelgan yoshlar, qizlar, erkaklar va ayollar jamoalari g'oliblik uchun o'zaro kuch sinashdi. 

Quvonarlisi, Toshkentning RKOR va Olmaliqning OKMK jamoalari Appenin yarim orolidagi musobaqada mamlakatimiz sharafini munosib himoya qilishdi. 

Xususan, poytaxt jamoasi 18 yosh va undan kattalar birinchiligining guruh bosqichida “Levis” C.H. (Kanada), “Main-Nidda” HSG (Germaniya), “Crea El Harrouch” (Jazoir),“Al - Ittihad” S.C. (Liviya), “Guaynabo” (Puerto-Riko) jamoalarini dog'da qoldirdi. 1-4 o'rinlar uchun Urugvay, Franciya va Kanada vakillari bilan bellashib, shohsupaning eng yuqori pog'onasiga ko'tarilishga musharraf bo'ldi. 

Toshkent viloyatining OKMK jamoasi esa 21 yosh va undan kattalar o'rtasida birinchi o'rinni qo'lga kiritdi. Olmaliqlik gandbolchilar g'oliblik yo'lida “Tsinghua university” (Xitoy), INDIA HHC (Hindiston), “Crea El Harrouch” (Jazoir), “Madagaskar J.A.P. (Madagaskar), “Cus unite lions Teramo” (Italiya), “Turan” S.C. (Qozog'iston), “Veteran hammamet” (Tunis), “Taiwan university” (Xitoy Taypeyi) va “Nady Shahab Azoun” (Falastin) jamoalariga qarshi maydonga tushishdi.