Ikkitagina finish qayd etilgan UFC Fight Night 274 turnirining barcha natijalari

Qolgan barcha janglar g'oliblari hakamlarning qaroriga ko'ra aniqlandi. Xususan, oqshomning asosiy jangi hisoblangan Aljameyn Sterling va Yussef Zalal o'rtasidagi to'qnashuv ham to'liq besh raund davom etib, yakunda tajribaliroq bo'lgan sobiq UFC chempioni Aljameyn Sterling hakamlarning yakdil qarori (49-45, 49-45, 49-45) evaziga zafar quchdi. Jangga qadar Sterling beshinchi, Zalal esa ettinchi o'rinni band etgan. Aljamen o'zining ketma-ket ikkinchi g'alabasini nishonlash barobarida beshta g'alabali seriya bilan kelayotgan Yussefni to'xtatishga muvaffaq bo'ldi. 

UFC Fight Night 274 turnirining co-main event jangida ayollar o'ta engil vazn toifasi reytingida o'n birinchi o'rinni egallab turgan panamalik Joselin Edvards kichik shov-shuv ko'tara oldi. U uchinchi pog'onada borayotgan braziliyalik Norma Dyumontni mag'lubiyatga uchratdi.  

Turnirdagi ikkita muddatidan oldingi g'alabani amerikalik og'ir vazn toifasi vakili Rayan Spenn hamda o'rta vazn jangchisi Jekson MakVey qo'lga kiritdi. Rayan ikkinchi raundda braziliyalik Markus Almeydani nokautga uchratdi. Amerikalik MakVey birinchi raundda vatandoshi Sedrik Dyumani bo'g'ib qo'ydi. Sedrikni hamyurtimiz Nursulton Ro'ziboev ham texnik nokautga uchratgan edi. 

UFC Fight Night 274 turnirining to'liq natijalari: 

Asosiy kard janglari

Aljameyn Sterling Yussef Zalalni ochkolar hisobiga ko'ra taslim etdi (49-45, 49-45, 49-45)

Joselin Edvards Norma Dyumontdan ochkolar bo'yicha ustun keldi (30-27, 29-28, 29-28)

Rafa Garsiya Aleksandr Ernandesni ochkolar bo'yicha yutdi (30-27, 29-28, 29-28)

Deyvi Grant Adrian Luna Martinettini hakamlar qarori bilan engdi (29-28, 29-28, 29-28)

Raoni Barselos Montel Jeksonni hakamlarning ayri qarori evaziga ko'ra mag'lub etdi (28-29, 29-28, 29-28)

Rayan Spenn Markus Almeydani nokaut qildi (zarba) – 2-raund, 2:10

Prelim kard janglari

Erik MakKoniko Rodolfo Vieyradan ochkolar hisobi bo'yicha ustun keldi (29-28, 29-28, 29-28)

Jekson MakVey Sedrik Dyumani sabmishn evaziga yutdi (Brabo bo'g'ish usuli) – 1-raund, 2:14

Mishel Montegyu Mayra Bueno Silvadan ustun keldi (30-27, 29-28, 29-28)

Kodi Dyorden Jafel Filoni ochkolar bo'yicha mag'lub etdi (29-28, 30-27, 30-27)

Frensis Marshall Lukas Brennanni taslim etdi (30-27, 30-27, 30-27)

Viktor Valensuela Maks Griffinni engdi (29-28, 29-28, 29-28)

Talita Alenkar Juliyu Polastrini hakamlar qaroriga ko'ra mag'lubiyatga uchratdi (29-28, 29-28, 29-28)