28 noy 18:13
Yangiliklar

Boks/MMA

Iliya Topuriya Maxachevni raqiblari safidan o'chirdi

Yarimengil vaznda amaldagi UFC chempioni Iliya Topuriya engil vazn toifasida kamar sohibi bo'lib turgan Islam Maxachev bilan jang qilmaslikni lozim topdi.

Ikki oy oldin u kamarlarni birlashtirish ishtiyoqida yurgandi. Endi esa o'z qarorini o'zgartirdi. U Islamni o'zining potencial raqiblari ro'yxatidan o'chirdi.

"Islam chempionlik kamarini muvaffaqiyatli himoya qilishda davom etsa, balki bizning jangimiz aktuallikka erishar. Lekin ayni mana shu daqiqalarda uning ism-sharifi mening ro'yxatimda yo'q", - dedi Topuriya.

Avvalroq Iliya Topuriya Islam Maxachevni nafaqat mag'lub etishi, balki uni muddatidan oldin taslim etgan tarixdagi ilk jangchiga aylanishini aytgan edi. U bir oy oldin Abu-Dabida o'tgan UFC 308 turnirida Maks Xolloueyni uchinchi raundda nokautga uchratib, o'z kamarini himoya qilgandi.