Ilk bor AQSH poytaxtida belbog'li kurash bo'yicha kattalar o'rtasidagi jahon chempionati o'tkaziladi

Jumladan, jahon belbog'li kurash associaciyasi prezidenti Azizbek G'aniev say-harakati, tashabbusi va ko'magi bilan Amerika Qo'shma SHtatlarida ham belbog'li kurashimiz keng quloch yoyilishiga erishilmoqda.

Xususan, JBKAning dastur-rejasiga muvofiq, ayni paytda AQSHning Vashington shahrida bo'lib turgan JBKA vakillari hamda O'zbekiston belbog'li kurash federaciyasi raisi Ravshan Dastirov Vashington shahridagi BOWIE universiteti sport menejeri, professor Adam Kaya, atletik-talaba departamenti direktori V. Rene Xovard bilan uchrashib, jahon belbog'li kurash associaciyasi tomonidan kattalar o'rtasida o'tkaziladigan jahon chempionatini aynan mazkur universitet sport majmuasida o'tkazish bo'yicha muzokaralar olib borishdi.

O'zaro muzokaralar yakunida joriy yilning dekabr oyida belbog'li kurash bo'yicha jahon chempionatini tarixda ilk bor AQSH poytaxti Vashington shahrida yuqori saviyada  o'tkazishga kelishildi. 

SHundan so'ng sport delegaciyamizni universitetda yaratilgan shart-sharoitlar bilan tanishtirishdi va mezbonlar o'zaro ishonch va tashrif uchun jahon belbog'li kurash associaciyasiga minnatdorchilik bildirib, dekabr oyida bo'lib o'tadigan jahon chempionati uchun barcha sharoitlar yaratilishini takidlashdi. 

Bundan tashqari, ushbu jahon chempionati doirasida belbog'li kurashni AQSHda ham rivojlantirish borasida JBKA bilan ikki tomonlama memorandum imzolanishi to'g'risida ham kelishib olindi.

SHuningdek, JBKA tomoni universitet rahbariyati, xususan, janob professor Adam Kaya joriy yilning sentyabr oyida Xorazm viloyatida bo'lib o'tadigan etnosport bo'yicha xalqaro festival doirasida belbog'li kurash bo'yicha o'tadigan xalqaro turnirga taklif etdi.

Albatta, jahon belbog'li kurash associaciyasi tomonidan kattalar o'rtasidagi jahon chempionatini o'tkazish uchun aynan AQSH poytaxti Vashington shahri tanlanishi bejizga emas. 

Boisi, milliy sport turimiz belbog'li kurashni okean ortida turib ham namoyish etish orqali belbog'li kurashni er kurrasi bo'ylab ommalashtirish va hamisha bosh maqsad - Yangi O'zbekistonimizni ulug'lash bo'laveradi!

Ilhom RAHMONOV tayyorladi